Pack mer’s o!
Noch oim Johr voller „nixdoa“ pack mer’s huier mea o.
Eisern Trachteball dürf mer zwar no it moche, aber Papiersammle
wead wohl no erlaubt sei, oder?
An Funke wend mir o mea o’zünde – ob mit oder ohne Bewirtung wead sich no zeige. D Jahresversammlung im März wär a Sach, no kunnt mer uib
eisre Pläne zum 100-jährige Vereinsjubiläum verzelle.
„100 Johr D’Lobachtaler Seeg“
So a Jubiläum muaß ma scho feire – am liabschte „gscheit“!
Weil’s gar a so guat basse dät, hand mir am 14. August an Ehre-Obed ‚ploned. Mit viel Schwung & Frehd und ganz und gar it langweilig…
Am Sonntag isch d Gottesdienst zamm mit d Kräuterboschweich im Freie!
….und anschließend a guate Ei’kehr unter freiem Himmel!
Zum Abschluß plonet mir fürn 16. + 17. Oktober an TRACHTEMARKT in Seeg. Wie des gnau a’loffe soll sag mer uib spätestens an dr Versammlung.
Zum Ausklang vom Johr gibt’s endlich mea ebbas zum Lache im Theater.
Viel Schwung und a guats Gmiad – uibr Vorstandschaft
UPDATE: (20. Feb. 2021)
…war wohl nix mit Funkefuier!
Hoffentlich darf mer am 6. März Papiersammle, weil d Stadl quillt scho bald über!!
Und ob des mit eisrar Versammlung ebbas werd, do hand mir no eisre Bedenke – sieht it so gut aus, was d Politik grad mea ausheckt!
